युनाईटेड गोर्खा कम्युनिटी फोरम केन्द्रीय समिति रैली निकाल्ने
दार्जीलिङ 25 नवम्बर (निसं)
युनाईटेड गोर्खा कम्युनिटी फोरम केन्द्रीय समितिको आयोजनामा समितिकै सभापति बादशाह
प्रधानको सभापतित्वमा गोर्खा दुःख निवारक सम्मेलन भवनको कन्फरेन्स हल, दार्जीलिङमा आयोजन भएको सभामा लिएका प्रस्तावहरुलाई
सर्व सम्मतिले मानी लिएको छ। गोर्खा जात
गोष्ठीभित्रका बिभिन्न समुदाय, जनजाति, अनुसूचित जातिबीच
पारस्परिक सद्भाव एवं मैत्रिपूर्ण समझदारी जातिय एकता कायम राख्दै
युजीसीएफले सम्पूर्ण एक्काइसवटा संघ-संस्थाहरुलाई समेटेर आफ्नो जातिय हकहित
र अधिकारको संरक्षण र सम्बर्धन गर्ने उदेश्यले
गठित युजीसीएफले आगमी दिनाङ्क 1 दिसम्बर 2019 आइतवारको दिन विहान
11 बजे रेल्वे स्टेशन दार्जीलिङमा सम्पूर्ण जातगोष्ठी
संघ-संस्थाका सदस्यहरु आ-आफ्नो जातिय भेष-भूषामा भेला भएर युजीसीएफको एउटै
ब्यानरमा शान्ति रयाली निकालिने छ भने सहभागीहरूले हात-हातमा एघार गोर्खा जात गोष्ठीहरुलाई सरकारले जनजातिको
मान्यता शिघ्र दिन पर्ने, अनुसूचित जाति जनजाति हरुको निम्ति जीटीएक्षेत्रमा
रोष्टर लागू हुनपर्ने, प्रथम सगरमाथा विजेता स्व. तेन्जिङ्ग नोर्गे
शेर्पालाई भारत सरकारले भारत रत्न प्रदान गर्नु पर्ने जस्ता मांगको समर्थनमा रयालि निकालिने भएकोले सम्पूर्ण
जात गोष्ठीका सदस्यहरूलाई उक्त दिन सहभागी भएर कार्यक्रमलाई सफल बनाउन युजीसीएफ
केन्द्रीय समिति हार्दिक अपिल गरेको जानकारी युजीसीएफकी केन्द्रीय महासचिव बिनिता
खम्बू राईले दिएकी छिन्।
Comments
Post a Comment