तेञ्जीङ्ग नोर्गे शेर्पाले माउन्ट एभरेस्ट चढ़ेको 68 औं वार्षिकी

 

01: शनिबार २९ मई २०२१ः

तेञ्जीङ्ग नोर्गे शेर्पा

  आज 29 मई, विश्वको सर्वोच्च पर्वत सगरमाथा अर्थात् माउन्ट एभरेस्टमा पाइला राख्ने प्रथम मानव स्व. तेञ्जीङ्ग शेर्पाको 107औं जन्म दिन अनि एभरेस्टमा पाइला राखेको 68औं वर्षगाँठ पनि ।  त्यसैले विभिन्न ठाउँमा स्व. तेञ्जीङ्ग शेर्पाको सालिगमा उनको 107औं जन्म दिन र एभरेस्टमा पाइला राखेको 68औं वर्षगाँठ पनि  पालन भइरहेको छ ।  नेपालमा जन्मेका शेर्पा 19 वर्षको हुँदा भारतको दार्जीलिङ आएका थिए ।  सन् 1933 मा उनले भारतीय नागरिकता प्राप्त गरेका थिए ।  सानैबाट पहाड चढ्न रुची राख्ने शेर्पाले 1935 देखि सगरमाथा आरोहणको प्रयास गर्ने ब्रिटिश मिशनमा भाग लिए ।  धेरै पटकको प्रयासपछि उनले 1953 मा न्युजील्याण्डका सर एडमण्ड हिलेरीको साथमा माउन्ट एभरेस्टको चुचुरोमा पुगेर विश्व कीर्तिमान हासिल गरे ।

     यो विजयमा उनलाई भारतले पद्मभूषण अनि नेपाल, ब्रिटेनलगायत विश्वभरीकै देशहरूले विभिन्न पुरस्कारहरूद्वारा सम्मान गरे । यता 1999 मा टाइम्स म्यागाजीनले विश्वका सबैभन्दा प्रभावशाली व्यक्ति भनेर सम्मान गरेपछि वर्ष 2000 मा लाइफ म्यागाजीनले विश्वका 10औं सर्वश्रेष्ठ खेलाड़ीको दर्जा दियो ।

     अर्कोतिर 1954 मा भारत सरकारले दार्जीलिङमा हिमालयन पर्वतारोहण संस्थाको स्थापना गरेपछि तेञ्जीङ्ग शेर्पालाई त्यहाँको प्रशिक्षण निर्देशक बनायो ।

     तेञ्जीङ्ग शेर्पाको निधन 9 मई 2086 को दिन दार्जीलिङमा भइसकेको छ ।  उनको भौतिक शरीर वितेर गए पनि उनी सधैं अजर अमर रहनेछन् ।   तर यस्तो व्यक्तित्व स्व. तेञ्जीङ्ग शेर्पालाई हाम्रो देश भारतले यहाँको सर्वोच्च नागरिक पुरस्कार भारत रत्नद्वारा सम्मान गरिएको छैन ।  यसका लागि विभिन्न राजनैतिक पार्टीहरूलगायत शेर्पा सङ्गठनहरूले माग गरिरहेका छन् ।  यसक्रममा गौतम देवले राज्यका उत्तरबङ्गाल विकासमन्त्री हुँदा, सुरेन्द्रसिंह आहलुवालियाले दार्जीलिङका सांसद रहँदा अनि बिमल गुरूङले जीटीए प्रमुख रहँदा तेञ्जीङ्ग शेर्पालाई भारत रत्नद्वारा सम्मान गरिनु पर्छ भनेर माग राखेका थिए ।  उनी यस पुरस्कारका लागि अत्यन्त योग्य हुनुहुन्थ्यो ऱ सरकारले उहाँलाई मरणोप्रान्त यो सम्मान दिने नै छ भन्ने आशा गरौं ।