आमालाई लिएर कलियुगे श्रवण लिङ्गसे, कालेबुङको हरेश्वर शिवालय मन्दिरमा
लिङ्गसे, कालेबुङ २ मार्च (निस) मैसुर निवासी कलियुगे श्रवण आफ्नी 71 वर्षीया आमालाई लिएर कालेबुङ जिल्ला अन्तर्गत भारत
स्वाधीनता पूर्व 1944 मा
स्थापित लिङ्गसेको हरेश्वर शिवालय मन्दिरमा हिजो आइपुगे । जहाँ मन्दिरका सन्तहरू लगायत त्यस क्षेत्रका
मानिसहरूले आमा-छोरा दुवैलाई स्वागत जनाए । लिङसे कालेबुङ अन्तर्गत पर्ने पेदोङको
फेदमा अवस्थित छ अनि यहाँ जान पर्दा सिक्किमको रिनक भएर जानू पर्छ। स्मरण गराइन्छ, कलियुगे श्रवण दक्षिणा कृष्ण कुमारले 16 जनवरी 2018 देखि आफ्नी 71 वर्षीया आमालाई लिएर तीर्थ यात्रामा निस्केका हुन् । आमालाई
लिएर हिंड़ने उनीसित उनको बुवाको तीस वर्ष पुरानो स्कुटर छ, त्यसैमा लिएर यतिका दिनदेखि हिंड़रहेका छन् । उनको भनाइ
अनुसार आमाले सधैं बुवाछोराका लागि घरका काम गरिरहन्थिन् । नले घरको नजीकै रहेको नदीसम्म पनि हेर्न पाएकी
थिइनन्। यही भएर उनले आफूले गरिरहेको
जागिर छोड़ेर आमालाई लिएर निस्केका हुन् ।
कृष्ण कुमारले बताए अनुसार उनी अरूको सहयोगको रुपियाँ लिएर होइन, आफ्नै कमाइमा आमालाई घुमाइरहेका छन् । उनले अघाड़ि भने, हामीलाई जन्म दिने माता-पिता नै ईश्वर हुन्, कुराकानी गर्ने यस्ता ईश्वरलाई हामीले पुज्नु पर्छ । माता-पिता
श्रद्धा-माला लाइदिनु राम्रो कुरा हो । आजका प्रत्येक छोराछोरीले यस्तो
गर्नु जरूरी छ।*** २०२० को माध्यमिक परीक्षा सुदुरवर्ती रिम्बिक-लोधोमा हाइ स्कूलमा पनि हुने
रिम्बिक (निसं) आगामी वर्ष २०२० मा हुने माध्यमिक परीक्षा अब रिम्बिक अनि लोधोमा भेकमा पनि हुने भएको छ । यो समाचारले स्थानीय मानिसहरू हर्षित बनेका छन्। लामो समयदेखि स्थानीय गाउँले विद्यार्थीहरुलाई ध्यानमा राख्दै गरिएको माग अन्ततः पूरा भएको छ भने रिम्बिक अनि लोधोमा भेकका विद्यार्थीहरुले स्थानीय रिम्बिक उच्चतर माध्यमिक बिद्यालय तथा लोधोमा उच्च विद्यालयमा दिन पाउने भएका छन्। उक्त खबरबारे लोधोमा हाइ स्कूलका प्रधान अध्यापक निरज सुब्बाले थप जानकारी गराएका छन् ।
Comments
Post a Comment