"भारतीय नेपाली साहित्यका निर्माता एम. एम. गुरूङ" पुस्तक विमोचन
भारतीय भाषा साहित्यका निर्माता अनि विर्सिएका संस्कृतिहरू नामक पुस्तकका लागि अकादमी पुरस्कार विजेता स्व. मार्टिन माइकल गुरूङका कृतिहरूमाथि विवेचित पुस्तकको विमोचन गरिएको छ। साहित्यकार सीताराम काफ्लेको उक्त कृति "भारतीय नेपाली साहित्यका निर्माता एम. एम. गुरूङ" साहित्य अकादमी, दिल्लीद्वारा प्रकाशित गरिएको हो अनि यसको विमोचन, कालेबुङको बङ बस्ती स्थित स्व. गुरूङको वर्तमान आवास प्राङ्गनमा गरिएको हो।
उक्त विमोचनको अध्यक्षता नियात्राकार सलोन कार्थकले गरेका थिए। प्रमुख र विशिष्ट अतिथिका रुपमा क्रमशः साहित्यकार प्रदीप गुरूङ र समीक्षाकार डा. इन्द्रबहादुरछेत्री उपस्थित थिए। पुस्तकमाथि सुवास सोताङले वार्ता प्रस्तुत गरे। पत्रकार डी. के. वाइबाद्वारा सञ्चालित कार्यक्रममा अध्यक्ष अनि अतिथिद्वयले भारतीय नेपाली साहित्यमा स्व. गुरूङको योगदानमाथि वक्तव्य दिए। यसरी नै कृतिकारले यसलाई तयार पार्ने सम्बन्धमा स्व. गुरूङका पुस्कहरू विर्सिएका संस्कृतिहरू, घर संसार अनि टिस्टा बग्छ सधैं जस्तोमाथि विवेचना गरीएको जानकारी आफ्नो कुरामा राखे। कार्यक्रममा स्व. गुरूङकी श्रीमती शकुन्तला अनि छोरो समरले परिवारको पक्षबाट लेखक, अध्यक्ष अनि अतिथिहरूलाई सम्मान जनाए।
Comments
Post a Comment