"45 औं खलङ्गा मेला -2019" को पूर्व दिवसमा यज्ञ
बलभद्र खलङ्गा विकास समितिद्वारा आयोजित ऐतिहासिक भव्य "45 औं खलङ्गा मेला -2019" को पूर्व दिवसमा आज "चन्द्रयानी मन्दिर, नालापानी देहरादून" मा हिजो यज्ञ -पूजन एवं विशाल भण्डाराको आयोजन प्रतिवर्षझैं गरिएको थियो।
समितिका अध्यक्ष कर्नल डी०एस० खड़काअनुसार नालापानी पर्वतीय श्रृंखलाको सबैभन्दा उच्च शिखर जहाँ सेनानायक वीर बलभद्र थापा र उनका वीर सैनिकहरूको सुदृढ़ "खलङ्गा किल्ला" आज पनि गर्वले शीर ठाड़ो गरी उभेको छ। सन् 1814 मा गोर्खाली लगभग 600 वीर- वीराङ्गना योद्धाहरूले सेनापति बलभद्र थापाको नेतृत्वमा अदम्य साहसको परिचय दिंदै अंग्रेजहरूको आक्रमणलाई तीनटक विफल गरिदिएका थिए । यो युद्धमा सेनानायक बलभद्र थापासित केवल 600 सैनिकहरू थिए, जसमा वीर, वीराङ्गना अनि नानीहरूसमेतले प्राचीन हतियार भरूवा बन्दुक, धनुषबाण, घुँयेत्रो, भाला र खुकुरीले लगभग 3500 भन्दा धेरै सङ्ख्याका आधुनिक हतियार, गोला बारूदसहितका अंग्रेजी सेनालाई परास्त गरेका थिए । आयोजक समितिका सचिव श्री जितेन्द्र खत्रीअनुसार वीर सेनानायक बलभद्र थापा एवं उनके वीर सैनिकहरू यस चन्द्रयानी मन्दिरमा प्रतिदिन पूजा -अर्चना किया गर्दथे । यही मन्दिरबाट उक्त सैनिक टोलीले शक्ति प्राप्त गरेकोले उनीहरू विजयी भएको विश्वास गरिन्छ ।
यस अवसरमा खलङ्गा विकास समितिका सम्पूर्ण पदाधिकारीहरू लगायत देश विदेश बाट आएको अतिथिहरूको उपस्थिति रहेको थियो ।
नालापानी युद्धको सम्झनामा देहरादूनको खलङ्गाद्वारबाट नालापानी किल्लासम्म झण्डै पाँचसय मानिसहरूले पदयात्रा गरेका थिए। नालापानीमा सन् १८१४ देखि १८१६ सम्म गोर्खाली र अङ्ग्रेजबीच युद्ध भएको थियो। अन्तिम पटक अक्टोबर र नोभेम्बरमा युद्ध भएको थियो। पदयात्रामा विभिन्न स्कुल का बिद्यार्थीहरू साथै नेपाल तथा भारत का अन्य राज्यबाट पनि सहभागी भएका थिए भने स्थानीय व्यक्तिहरुको पनि उपस्थिति थियो।
Comments
Post a Comment